Elon Musk hefur tvítað um að Tesla pallbíllinn verði frumsýndur þann 21. Nóvember næstkomandi og að staðsetningin verði engin önnur en SpaceX eldflaugaverksmiðjan í Hawthorne í Kaliforníu. Engar myndir hafa náðs af bílnum ennþá og þær sem er á vefnum og fylgja meðal annars þessari frétt eru tölvugerðar ágiskanir miðað við lýsingar Elon Musk af farartækinu, sem eru vægast sagt óljósar. Hann hefur meðal annars sagt að pallbíllinn sé eins og tunglbíll og að hann verði alvöru jeppi með mikla torfærueiginleika. Einnig á grunnútgáfa hans að kosta 49.000 dollara sem er undir verði á nýjum Ford F-150 pallbíl í Bandaríkjunum sem er aðal keppinautur Tesla pallbílsins. Hver endanleg útkoma verður fáum við að sjá eftir tvær vikur.

Nýjasta myndin af útliti Tesla pallbílsins sýnir hann sem hálfgerðan tunglbíl.
Skuggamyndin fyrir aftan sýnir samanburð á stærð við Ford F-150.