Volkswagen í Þýskalandi er í vondum málum þessa dagana í Þýskalandi því ofan á vandræði vegna kórónafaraldursins, tapaði fyrirtækið mikilvægu dómsmáli. Þarf Volkswagen að endurgreiða einkaaðila sem höfðaði mál gegn fyrirtækinu vegna dísilsvindlsins andvirði bílsins, þegar búið er að draga frá norkun hans. Þarf Volkswagen að greiða Herbert Gilbert alls 4,3 milljónir króna fyrir VW dísilbíl sem hann keypti. Málið hefiur fordæmi fyrir 60.000 önnur mál sem eru í kerfinu í Þýskalandi. Í yfirlýsingu frá Volkswagen sagði að með dóminum væri komið að lokum á þessum málaferlum. „Fyrir flest af þessum 60.000 málum, skýrir þessi niðurstaða dómsins hvernig tekið verður á mikilvægum spurningum í málum þessum í Þýskalandi. Volkswagen mun nú reyna að loka þessum málum í samstarfi við kröfuaðila. Með því er vonast til að hægt sé að létta álagi á dómstóla vegna málanna. Munum við bjóða hverjum og einum kröfuhafa eingreiðslu eftir hvernig hverju máli er háttað“ segir í yfirlýsingu Volkswagen. Telur framleiðandinn að með því verði nær engin ástæða til frekari málaferla.