Fyrirtækið sem rekur bílasýninguna í Genf á hverju ári hefur tilkynnt að ekkert verði af sýningunni á næsta ári vegna áhrifa kórónavírusins. Sýningunni í ár var frestað ásamt mörgum öðrum sýningum og hefur heimsfaraldurinn sett framtíð bílasýninga í mikla hættu. „Bílageirinn er að ganga í gegnum mikla erfiðleika og sýningaraðilar þurfa tíma til að jafna sig á áhrifum faraldursins“ segir í yfirlýsingu frá Salon International de l‘Automobile sem skipuleggur sýninguna í Genf. Í könnun sem send var út til framleiðenda sögðu flestir að þeir myndu að öllum líkindum ekki taka þátt í sýningu á næsta ári. Þess í stað hafa bílaframleiðendur frumsýnt bíla sína með öðrum hætti, eins og í gegnum netið. Á mánudaginn tilkynnti sýningaraðilinn að eignir sýningarinnar verða seldir Palexpo sem rekur sýningarhallirnar. Genf bílasýningin hefur verið stærsti viðburðurinn í Sviss ár hvert og skapar um 30 milljarða króna í tekjur á hverju ári.