BMW hefur frumsýnt sjöttu kynslóð hins vinsæla M3 sportbíls og sitt sýnist hverjum um framenda bílsins. Þar er komið svokallað nasagrill í yfirstærð en mestu breytingarar eru samt undir niðri. Komin er ný línusexa og fjórhjóladrif en vélin er þriggja lítra með tveimur forþjöppum og kemur vélin í tveimur aflútfærslum. Aflminni gerðin verður 473 hestöfl en Competition útgáfan verður með 503 hestöfl og 650 Newtonmetra af togi sem dugar bílnum til að komast í hundraðið á aðeins 3,9 sekúndum. Á sama tíma frumsýndi BMW einnig M4 Coupe sem byggir á sama CLAR undirvagni og M3. Afltölur fyrir þann bíl eru þær sömu og í M3. Hvort þessir bílar verða boðnir á Íslandi er ekki talið líklegt nema með sérpöntun. BL hefur undanfarið lagt aðal áherslu sína á BMW merkinu á jepplinga merksins enda hafa þeir verið aðal sölubílarnir hérlendis.